Unhas actividades organizadas polo Concello de Brión e que se desenvolveron no centro social polivalente.
Os 37 maiores de Brión que toman parte das actividades de ximnasia e do obradoiro mente activa celebraron a fin de curso cunha gran festa que incluíu un peculiar “acto de graduación”, onde cada un deles elaborou o seu propio birrete.
O Concello de Brión retomou as actividades para persoas maiores de 60 anos o pasado mes de setembro, despois dunha primeira experiencia cunhas xornadas de reencontro organizadas durante o pasado verán. “Despois dun ano sen actividades, xa había gañas e volver, de ver á xente, de facer deporte e, en xeral, de divertírense”, explica Elena Remesar, quen indica “neste sentido, obxectivo cumprido porque os nosos adultos de Brión remataron o curso felices e con gañas de volver pronto”.