OUTONO CULTURAL 2024 - TEATRO PROFESIONAL | BROKEBACK SABUCEDO - SAL DO TEATRO

A compañía Sal do Teatro presenta en Brión: "Brokeback Sabucedo (Paixón entre bestas)"

Xénero: Comedia dramática | Público: Adulto

SINOPSE:

Espectáculo de temática LGTBIQ+ no ámbito rural de Galicia, concretamente na celebración da Rapa das Bestas de Sabucedo. Roi e Rafa son dous antigos amigos da infancia que se atopan na Rapa das Bestas en Sabucedo logo de moitos anos, Roi marchou a vivir a Madrid e Rafa segue a vivir na vila. De pequenos eran moi amigos pero foron distanciándose polas circunstancias da vida. No seu encontro en Sabucedo comezan a aflorar outro tipo de sentimentos que estaban ocultos, e dunha amizade comeza a xurdir unha paixón. Brokeback Sabucedo é un canto á diversidade, unha homenaxe a tradición galega.

Un texto de Santiago Telmo e Carlos Losada. Interpretado por Borja Salgado e Santiago Telmo. Dirixido por Rocío Romero e con Álex Sobrino no espazo escénico (iluminación, audiovisuais e son), sendo a escenografía e o vestiario ideados pola propia compañía.

DATA: 22 de novembro
HORA: 20:30 h.
LUGAR DE CELEBRACIÓN: Centro Social Polivalente

Entrada de balde ata completar a capacidade do local. Precísase reservar butaca na Billeteira municipal

Co patrocinio da Rede Cultural da Deputación da Coruña.