O Concello de Brión agradece a solidariedade de toda a veciñanza que se puxo en contacto con esta Administración para ofrecer a súa axuda e achegar doazóns en favor das persoas afectadas pola DANA. Un agradecemento que facemos extensible ás asociacións e clubs deportivos, como a UD Bastavales, que recolleron alimentos de primeira necesidade e produtos de limpeza para destinar á poboación damnificada.

O organismo autonómico iniciou xa os traballos de inspección das faixas secundarias coa finalidade de aumentar as condicións de seguridade das aldeas ante os riscos de incendios forestais. Serán inspeccionadas milleiros de fincas, que están situadas no perímetro de 50 metros arredor dos núcleos, para realizar un inventario do estado no que se atopan.

Pablo Lago destaca a importancia de “mancomunar, compartir servizos e facer cousas conxuntas, pois así chegas máis lonxe”