Xa se atopan en funcionamento os dous puntos de recarga de vehículos eléctricos do Concello de Brión. Un está situado no aparcamento traseiro do edificio da Biblioteca Municipal na Carballeira de Santa Minia e o outro a carón da entrada do pavillón municipal de Lamiño.
O investimento para a colocación destes dous puntos de recarga ascendeu a 42.655,78€ dos cales 12.796,74€ foron con cargo a unha subvención para a Implantación da infraestruturas de recarga de vehículo eléctricos (Programa Estatal de Incentivos á Mobilidade Eléctrica - Programa Moves III) do Instituto Enerxético de Galicia pertencente a Consellería de Economía, Empresa e Innovación. Concretamente esta subvención, con fondos financiados pola Unión Europea Next Generation UE, estaba encadrada no Programa de Incentivos 2: Implantación de Infraestruturas de recarga de vehículos eléctricos.
