CICLO FEGATEATRO: "CONFINAD@S" - A TEQUERRETÉ TEATRO

A compañía A Tequerreté Teatro presenta en Brión o seu espectáculo "Confinad@s"

Sinopse:
Confinad@s nace, en clave de hilarante comedia, das experiencias sufridas durante o confinamento. Catro amigo/as xúntanse por vídeo chamada e deciden fuxir das compulsivas rutinas provocadas pola situación de illamento, ó estilo de Boccacio, no seu Decamerón. Evadiranse da súa particular “Florencia” contando catro surrealistas historias: A dun príncipe e unha princesa de conto que escapan dos estereotipos tradicionais. A dun par de vellas pensionistas que enchen a súa vida coa adrenalina da
ludopatía más absurda. A dunha peregrina actual que topa no seu camiño cun peregrino do século XV. E a dunha traballadora que é despedida da empresa por quedar embarazada. Sobrevive con nós a esta pandemia cun curador sorriso!!!

Comedia. Público familiar. Duración aprox.: 65 min.

Data e hora de celebración: venres, 19 de novembro ás 20:30 h.

Lugar de celebración: Centro Social Polivalente

Entrada de balde ata completar aforo.

Reserva de localidades: A través do correo electrónico entradasbrion@gmail.com.
Enviar mensaxe co nome/s do/s asistente/s, NIF e teléfono de contacto.

#aculturaesegura. Espectáculo que respecta as medidas recomendadas para garantir a seguridade do serán teatral.